ការជ្រើសរើសមុខជំនាញ ទីផ្សារការងារ កន្លែងស្នាក់នៅ រួមទាំងការចំណាយ នៅតែបញ្ហាចំបងចំពោះសិស្សក្នុងការបន្តការសិក្សានៅសាកលវិទ្យាល័យ។ សិស្សានុសិស្សមួយចំនួនបានជ្រើសរើសជំនាញសិក្សារួចរាល់ ខណៈសិស្សានុសិស្សមួយចំនួនទៀតមិនអាចរកស្វែងមុខជំនាញដែលខ្លួនពិតជាស្រលាញ់ និងឆ្លើយតបនឹងទីផ្សារការងារនៅឡើយ។ ដោយមើលឃើញបញ្ហានេះ ក្រុមការងារនិងនិស្សិតសាកលវិទ្យាល័យខេមតិចបានរៀបចំសិក្ខាសាលាប្រឹក្សាយោបល់ស្តីពីការជ្រើសរើសមុខជំនាញ និងតម្រង់ទិសអាជីព កាលពីថ្ងៃទី២៧ ខែកក្កដា ឆ្នាំ២០២២ នៅវិទ្យាល័យព្រះមុនីវង្ស និងវិទ្យាល័យនេត យ៉ង់ ខេត្តបាត់ដំបង។ សិក្ខាសាលានេះបានផ្តល់ជាគន្លឹះដ៏សំខាន់សម្រាប់ការសម្រេចចិត្តបន្តការសិក្សានៅឧត្តមសិក្សារបស់ប្អូនៗសិស្សានុសិស្សដែលកំពុងសិក្សាថ្នាក់ទី១២។