សាកលវិទ្យាល័យខេមតិចបានប្រារព្ធកម្មវិធីទស្សនកិច្ចសិក្សានិងពិធីចុះហត្ថលេខាលើអនុស្សារណៈយោគយល់ក្រោមអធិបតីភាពរបស់ ឯកឧត្តមបណ្ឌិត សាន វឌ្ឍនា អនុរដ្ឋលេខាធិការក្រសួងអប់រំ យុវជន និងកីឡានៅថ្ងៃទី២៩ ខែធ្នូ ឆ្នាំ២០២២។ ពិធីចុះហត្ថលេខាលើអនុស្សរណៈយោគយល់រវាងសាកលវិទ្យាល័យខេមតិចនិងសាលារៀនជំនាន់ថ្មី រួមមានវិទ្យាល័យព្រះស៊ីសុវត្ថិ-សាលារៀនជំនាន់ថ្មី វិទ្យាល័យព្រែកលាប-សាលារៀនជំនាន់ថ្មី វិទ្យាល័យសម្តេច អគ្គមហា ធម្មពោធិសាល ជាស៊ីម ព្រែកអញ្ចាញ-សាលារៀនជំនាន់ថ្មី នេះ ក្នុងគោល បំណងបង្កើតឲ្យមានទំនាក់ទំនងល្អរវាងសាកលវិទ្យាល័យនិងសាលារៀនជំនាន់ថ្មី ការផ្តល់ប្រឹក្សាពីមុខជំនាញនៅឧត្តមសិក្សា ជូនដល់សិស្សានុសិស្ស នៅវិទ្យាល័យ កិច្ចសហប្រតិបត្តិការ ការផ្សព្វផ្សាយ ព័ត៌មានពីការសិក្សារផ្សេងៗរួមបញ្ចូលអាហារូបករណ៍ផងដែរ។ ក្នុងកម្មវិធីនេះក៏មានបញ្ចូលទស្សនកិច្ចសិក្សារដោយមានគោលបំណង៖១)ស្វាគមន៍ការមកទស្សនាសាកលវិទ្យាល័យខេមតិចផ្ទាល់និងស្វែងយល់អំពីកម្មវិធីសិក្សា២)ផ្តល់ការប្រឹក្សាយោបល់លើការជ្រើសរើសមុខជំនាញនៅឧត្តមសិក្សាជូនដល់សិស្សានុសិស្ស៣)ជំរុញការត្រៀមលក្ខណៈសម្រាប់ការសិក្សានៅឧត្តមសិក្សា។

 

វគ្គសិក្សាថ្មីចាប់ផ្តើមនៅថ្ងៃទី៣០ ខែមករា ឆ្នាំ២០២៣។

ដាក់ពាក្យចូលរៀនឥឡូវនេះតាមរយៈតំណលីង៖ http://form.jotform.com/212209108193449