កាលនៅថ្ងៃ ព្រហស្បតិ៍ ទី 9 ខែមិថុនា ឆ្នាំ 2022 សាកលវិទ្យាល័យខេមតិច (CamTech) បានចូលរួមនៅក្នុងកម្មវិធីប្រកួតប្រជែងមួយដែលមានឈ្មោះថា កម្មវិធីប្រកួតប្រជែងស្វែងរកកំណប់អាថ៍កំបាំង (Treasure Hunt) របស់សាលារៀនសុវណ្ណភូមិ។

កម្មវិធីនេះគឺជាកម្មវិធីប្រកួតប្រជែងដែលមានគោលបំណងលើកកម្ពស់ស្មារតី ភាពវ័យឆ្លាតរបស់សិស្សានុសិស្សពីថ្នាក់ទី 3-6 ឲ្យមានភាពច្នៃប្រឌិតក្នុងការដោះស្រាយបញ្ហា។ ជាមួយគ្នានេះដែរ និស្សិតនៃសកលវិទ្យាល័យខេមតិច ក៏បានបញ្ចូលហ្គេម “Spaghetti and Marshmallows Construction Game” ដើម្បីសាកល្បងតេស្តសមត្ថភាពផ្នែក STEM ផងដែរ។