នៅរសៀលថ្ងៃទី២៨ ខែមិថុនា ឆ្នាំ២០២២ សាកលវិទ្យាល័យខេមតិចបានរៀបចំសិក្ខាសាលាស្ដីពី “ការប្រឹក្សាយោបល់លើការជ្រើសរើសមុខជំនាញនៅថ្នាក់ឧត្តមសិក្សា និងការតម្រង់ទិសអាជីពសម្រាប់ពេលអនាគត” នៅសាលាអន្តរជាតិស្មាធ ឃីដ សាខាសៀមរាបដែលមានការអញ្ជើញចូលរួមពីលោកគ្រូ អ្នកគ្រូ និងសិស្សានុសិស្សចំនួន ៥២នាក់។ សិក្ខាសិលានេះធ្វើឡើងក្នុងគោលបំណងជួយលើកកម្ពស់ការយល់ដឹងទាក់ទងនឹងជំនាញនៅថ្នាក់ឧត្តមសិក្សា ជាពិសេសជំនាញស្ទែមដែលត្រូវនឹងតម្រូវការទីផ្សារបច្ចុប្បន្ននិងអនាគត និងជួយជំរុញអោយមានការត្រៀមលក្ខណ:មុនពេលឈានចូលសាកលវិទ្យាល័យ។

បន្ថែមពីនេះ និស្សិតខេមតិចបានធ្វើការចែករំលែកបទពិសោធន៍នៃការសិក្សាជាមួយនិងការបង្ហាញពីគម្រោងផ្សេងៗ ក៏ដូចជា AR/ VR Games ទៅដល់សិស្សានុសិស្សសាលាអន្តរជាតិស្មាធ ឃីដ ។