វេទិកាបញ្ញាសិប្បនិម្មិត បានប្រារព្ធធ្វើឡើងក្នុងគោលបំណងពិនិត្យមើលទិដ្ឋភាពនៃការប្រើប្រាស់បច្ចេកវិទ្យាបញ្ញាសិប្បនិម្មិតជាទូទៅនៅកម្ពុជានាពេលបច្ចុប្បន្ននិងនិន្នាការអនាគត និងឥទិ្ធពលនៃបច្ចេកវិទ្យាមួយនេះទៅលើសង្គមទាំងមូល ព្រមទាំងបង្ហាញពីគោលនយោបាយសំខាន់ៗរបស់រាជរដ្ឋាភិបាល សម្រាប់ការលើកកម្ពស់និងពង្រឹងការអភិវឌ្ឍបច្ចេកវិទ្យាក្នុងយុគសម័យបដិវត្តន៍ឧស្សាហកម្ម៤.០។ វេទិកានេះក៏ដើរតួ ជាកត្តាលិករជំរុញការពិភាក្សានិងពង្រឹងកិច្ចសហប្រតិបត្តិការក្នុងចំណោមភាគីពាក់ព័ន្ធដើម្បីប្រមើមើលពីកាលានុវត្តភាព និងដោះស្រាយបញ្ហាចម្បងមួយចំនួនមានដូចជាឯកជនភាព សនិ្តសុខនិងសុវត្ថិភាព ការអប់រំ សុខភាព ទីផ្សារការងារ ការអភិវឌ្ឍឧស្សាហកម្ម និងការបង្កើនជំនាញ ឬបង្កើតជំនាញថ្មីសម្រាប់យុគសម័យឌីជីថល ។