នៅព្រឹកថ្ងៃទី ២០ ខែឧសភា ឆ្នាំ២០២២ សាកលវិទ្យាល័យខេមតិចបានសហការរៀបចំសិក្ខាសាលាស្តីពី ប្រឹក្សាយោបល់លើការជ្រើសរើសមុខជំនាញនៅឧត្តមសិក្សា និងការតម្រង់ទិសអាជីពនាពេលអនាគតនៅសាលារៀនសុវណ្ណភូមិសាខាទេពផន រាជធានីភ្នំពេញ។

សិក្ខាសាលានេះមានគោលបំណងលើកកម្ពស់ការយល់ដឹងរបស់ប្អូនៗសិស្សានុសិស្សនៅកម្រិតមធ្យមសិក្សាទុតិយភូមិលើការជ្រើសរើសមុខជំនាញឱ្យបានសមស្របនឹងឧបនិស្ស័យ ទេពកោសល្យ និងតម្រូវការទីផ្សារការងារបច្ចុប្បន្ន និងអនាគតព្រមទាំងជំរុញការត្រៀមលក្ខណៈសម្រាប់ការសិក្សានៅឧត្តមសិក្សាជាពិសេសទៅលើមុខជំនាញស្ទែម។

សិក្ខាសាលានេះមានការចូលរួមពីសិស្សានុសិស្សថ្នាក់ទី ១១ និងថ្នាក់ទី១២ លោកគ្រូ អ្នកគ្រូរបស់សាលារៀនសុវណ្ណភូមិ មានចំនួនសរុបប្រមាណជាង២៦០នាក់ មកពីសាលារៀនសុវណ្ណភូមិសាខាបាក់ទូក សាលារៀនសុវណ្ណភូមិសាខាទួលគោក និងសាលារៀនសុវណ្ណភូមិសាខាទេពផន។