នៅក្នុង​ខែមីនាឆ្នាំ២០២១ សាកលវិទ្យាល័យខេមតិច បានទទួលការអនុញ្ញាតជាផ្លូវការពីរាជរដ្ឋាភិបាលកម្ពុជា ដើម្បីធ្វើប្រតិបត្តិការដែលមានមហាវិទ្យាល័យចំនួន៥ គឺមហាវិទ្យាល័យវិស្វកម្ម មហាវិទ្យាល័យសិល្បៈ មនុស្សសាស្ត្រ និងវិទ្យាសាស្ត្រសង្គម មហាវិទ្យាល័យធុរកិច្ចនិងគ្រប់គ្រង មហាវិទ្យាល័យវិទ្យាសាស្ត្រអនុវត្ត និងមហាវិទ្យាល័យបរិស្ថានសំណង់ប្រកបដោយ​ចីរភាព។

មូលនិធិអ្នកឧកញ៉ា ពុង ឃាវសែ

ដើម្បីរួមចំណែកក្នុងការបង្កើតសាកលវិទ្យាល័យនេះ មូលនិធិអ្នកឧកញ៉ាពុង ឃាវសែ ត្រូវបានបង្កើតឡើង។ មូលនិធិនេះបានផ្តល់ផ្ទៃដីទំហំ៥ ហិកតា នៅក្នុងទីក្រុងរណបជ្រោយចង្វារ ធ្វើ​ជាទីធ្លាសាកលវិទ្យាល័យខេមតិច និងបានចំណាយ​​ថវិកា​វិនិយោគជាង៣ លានដុល្លារ ដើម្បីសាងសង់អគារសិក្សាមួយ​នេះ ព្រមជាមួយនឹងការបំពាក់គ្រឿង​​បរិក្ខារសង្ហារិម​ទំនើប នៅក្នុង​អគារ សួនច្បារ និងអាហារដ្ឋាន។